Usa ka lalaki ang nawad-an og halos $28,000 human siyang mabiktima sa usa ka AI-generated nga scam, diin ang iyang gituohang online girlfriend diay usa ra ka binuang nga gihimo sa sindikato.
Sumala sa imbestigasyon, ang babaye nga iyang nakachat usa ka artipisyal nga karakter nga gihimo gamit ang AI photos, fake voice messages, ug mga istoryang peke sama sa family emergency ug business troubles. Sa pipila ka semana nga komunikasyon, nakumbinsi ang biktima nga magpadala og kwarta alang sa medical bills ug investments.
Pagkahibalo sa biktima nga peke diay ang tanan, ulahi na ang tanan. Nagpakita kini nga bisan makatabang ang teknolohiya, mahimo sab kini gamiton nga plataporma sa pagpangilad.
Gipasidan-an ang tanan nga mag-amping sa mga online nga relasyon nga daw perpekto kaayo labi na kung mangayo ug kwarta o dili gusto magpa-video call kay basin dili tawo ang imong gihigugma, AI ra diay.
SOURCE: TOP10S
