Patay ang labing menos 10 ka tawo ug kapin sa 20 ang nasamdan sa sunog nga nahitabo sa Tuzla Retirement Homesa amihanang bahin sa Bosnia ug Herzegovina (BiH) kagabii, sumala sa lokal nga media.
Nagsugod ang sunog alas-8:45 sa gabii (1945 GMT) sa ika-pitong andana sa maong pasilidad ug dali kining napalong sa mga propesyonal ug boluntaryong bombero gikan sa Tuzla ug kasikbit nga mga lungsod, base sa pahayag sa administrasyon sa retirement home.
Ang mga samaran — nga naglakip sa mga residente, kapulisan, bombero, medical staff, ug mga empleyado sa maong gambalay— gihatagan og unang tabang sa mga local health centers ug dayon gidala sa University Clinical Center Tuzla.
Padayon ang imbestigasyon sa mga awtoridad sa hinungdan sa sunog, nga giila nga usa sa labing grabe nga insidente sa rehiyon sa mga milabay nga katuigan.
SOURCE: REUTERS
