Landig sa balay tambalanan ang 10 ka mga indibidwal human nakaangkon ug samad sa nagkadaiyang bahin sa ilang lawas human sa nahitabong pagpanunggab sa may tren sa UK niadtong Sabado, Nobyembre 1, 2025.
Base sa report sa mga kapulisan, nga 9 sa mga nasamdan anaa sa kritikal nga kahimtang ug wala usab gikataho nga namatay. Dugang pa niini, nakadawat ug tawag ang kapulisan pasado alas 7:42 sa gabii mahitungod sa maong pagpanunggab.
Tungod niini, nagpaktap gilayon ug mga personahe sa estasyon sa Huntingdon, diin ang tren mihunong sa wala damha ug malampusong nasikop ang duha ka suspek.
Sumala sa British Transport Police (BTP) nga ang maong pag-atake usa ka dakong insidente sa lugar ug misuporta usab sa imbestigasyon ang mga personahe sa counterterrorism. Gideklara usab kini sa BTP ayha paman gibawi nga Plato- usa ka nasudnong codeword sa pagtubag sa usa ka “marauding terrorist attack”.
Matod usab ni Britain’s Defence Minister John Healey niadtong Dominggo nga ang maong incidente usa ka isolated attack.
Photo Courtesy to:Sky News
