Naangol ang usa ka motorista human kini nalambigit sa disgrasya didto sa National Highway sa Brgy. Dahican, Mati City, Davao Oriental pasado alas 11:20 sa buntag, Martes Nobyembre 4, 2025.
Ang mga nalambigit nga sakyanan mao ang usa ka Nmax nga motorsiklo kinsa gimanihoan sa usa ka lalaki ug usa ka Hilux nga sakyanan.
Base sa inisyal nga imbestigasyon, nasayran nga nagbyahe gikan sa poblacion ang motorsiklo ug padulong unta sa Brgy. Dahican, apan pag abot sa lugar sa insidente kalit kini nabangga sa pa u-turn nga sakyanan ug gikaingong kusog ang padagan sa drayber sa maong motorsiklo.
Tungod sa impact, nalabay ang biktima ug nakahiagom kini ug samad sa lawas. Dali usab miabot sa area ang rescue team ug gidala gilayon ang biktima sa pinakaduol nga balay tambalanan.
Sa karun padayon pa ang imbestigasyon sa mga otoridad kabahin sa maong insidente. Nagpahimangno usab ang mga otoridad ngadto sa mga dyaber nga magmatngon ug mag amping kanunay sa byahe ingon man sundon ang batas trapiko aron malikay sa susamang disgrasya.
