Gibanabana nga kapin sa 470,000 ka ektarya nga mga tanom ang apektado sa bagyong Tino. Kini base sa hiniusang datos gikan sa Region 4-A (Calabarzon), 4-B (Mimaropa), Bicol Region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, ug Soccsksargen.
Base sa DA – Disaster Risk Reduction and Management (DA-DRRM) Operations Center, kapin sa 350,000 ka ektarya ang humay samtang kapin sa 119,000 ka ektarya ang mais.
Sa humay, mayoriya o 41.44% anaa sa maturity stage samtang sa mais, kadaghanan o 51.01% anaa pa sa seedling ug vegetative stages.
Aron malikayan ang lapad nga kadaot sa sektor sa agrikultura, gitambagan sa DA ang mga mag-uuma nga sayo nga anihon ang mga pwede anihon ug ibakwit ang mga reserba sa binhi, mga materyales sa pagtanum, ug uban pang kagamitan sa agrikultura sa luwas ug taas nga mga lugar aron dili kini maabot sa baha.
Photo Courtesy to:Eco Business
