Bisan pa man sa iyang dugay nga karera sa showbiz, giangkon ni Sam Milby nga usahay makasinati gihapon siya og pagduha-duha sa iyang kaugalingon nga katakos.
Sumala sa aktor, adunay mga proyekto nga iyang gidudahan nga kaya ba niya ang gihatag nga papel. “Naay mga roles nga murag dili ko sigurado kung ma-portray nako og maayo,” matod pa niya. Apan tungod sa pagdasig ug pagsalig sa mga tawo nga nagtuo sa iyang talento, nakumbinsi siya nga dawaton ang maong proyekto.
Giingon pa ni Sam nga mao kini ang nagpahinumdom kaniya nga importante ang pagtuo sa kaugalingon ug ang pagdawat sa mga oportunidad nga makapauswag sa usa ka artista.
Sa pagkakaron, nagpasalamat si Sam sa padayon nga suporta sa iyang mga fans ug sa mga proyekto nga nagahatag kaniya og inspirasyon aron magpadayon sa industriya.
Photo Courtesy to:Cornerstone Entertainment Inc.
