Gikataho sa Philippine National Police (PNP) kagahapong adlawa, Nobyembre 3 nga sila andam na sa posibleng cyberattacks nga mahitabo karung umaabot nga Miyerkules, Nobyembre 5 nga mao ang Guy Fawkes Day sa Britain.
Matod ni acting PNP chief Lt. Gen. Jose Melencio Nartatez Jr., nga ginaprotektahan sa ilang police force ang digital system ug access sa ilang data, partikularmente na ang databases niini alang sa logistics, firearms, electronic warrants ug criminal records.
Kalabot niini, gipasidan-an sa Department of Information and Communications Technology (DICT) nga adunay traffic flood sa web nga maoy rason sa mga insidente sa distributed denial of service (DDoS) nga moresulta usab sa hinay o temporaryo nga dili magamit sa pag-access sa mga site.
Dugang pa, ang DDoS usa ka matang sa cyberattack nga naggamit ug daghang kompyuter o device aron bahaon ang usa ka website, server, o service online.
Gikataho nga ang Guy Fawkes Day sa Britain nga penitsahan niadtong Nobyembre 5 gibantog sa 2005 nga pelikula nga “V for Vendetta”, diin gihinumdom niini ang napakyas nga 1605 nga laraw sa usa ka grupo sa mga English Catholic nga lakip na ang pagkamatay sa usa ka sundalo nga si Guy Fawkes kinsa misulay sa pagpatay kang King James I ug mga miyembro sa Houses of Parliament.
Kahibaloan nga ang imahe ni Fawkes usa ka simbolo nga kaylap nga gigamit sa mga grupo sa hacktivist.
Photo Courtesy to:Central bylines
