Nasikop sa mga otoridad ang usa ka lalaki nga gikonsiderang most wanted person atol sa gipatumang Manhunt Charlie Operation didto sa Sitio Lafortuna, Brgy Malibag, Cateel, Davao Oriental pasado alas 2:30 sa hapon niadtong Nobyembre 2, 2025.
Ang operasyon gipangunahan sa mga personahe sa Cateel Municipal Police Station, uban sa mga sakop sa PIDMU Tracker Team, RID11, PIU DOPPO, 1st DOPMFC ug uban pang law emforcement units nga nagresulta sa pagkasikop ni alyas “AR AR”, 24 anyos, ulitawo, backhoe operator ug residente sa maong lugar.
Naaresto ang suspek pinaagi sa pagpatuman sa Warrant of Arrest alang sa kasong paglapas sa Sec.68 sa PD 705, ubos sa Criminal Case Number 25-2082 nga giisyu ni DEN BRYAN R. CAGAS, Presiding Judge, Branch 35 Regional Trial Court Tenth Judicial Region Trento, Agusan Del Sur, penitsahan niadtong Septyembre 26, 2025 ug adunay pyansang girekomendar ang korte nga mukabat sa P30,000.00 alang sa iyang temporaryong kagawasan.
Gipahibalo usab ang dinakpan sa rason sa iyang pagkasikop pinaagi sa pinulongan nga iyang nasabtan.
Sa pagkakarun ang suspetsado anaa na sa kustodiya sa Cateel Municipal Police Station alang sa tukmang disposisyon.
Photo Courtesy to:PCR Cateel
