Giawhag sa Department of the Interior and Local Government (DILG) ang mga batan-on nga gamiton ang social media aron mapalambo ang pagpangandam ug kalig-on sa mga komunidad batok sa mga katalagman.
Sumala sa DILG, ang mga batan-on adunay halapad nga impluwensya sa mga online platform aron mapalambo ang pagpangandam ug aksyon panahon sa mga kalamidad para sa mas lig-on nga kooperasyon sa pagdumala sa kalamidad.
Ang mga batan-on giingon nga adunay dakong papel sa pagpakatap sa impormasyon ug pagpangandam pinaagi sa social media.
Gipahinumdoman usab sa ahensya ang mga batan-on nga gamiton ang social media isip himan para sa adbokasiya, mga online nga kampanya, ug responsable nga pagreport ug pagpaambit sa napamatud-an nga impormasyon gamit ang fact-checking.
Photo Courtesy to:Bilyonaryo News Channel
