Gikondena sa United Nations ang mga airstrike sa US ngadto sa mga barko nga nagdalag illegal drugs sa Caribbean ug Pacific Seas. Sumala sa human rights chief sa UN nga si Volker Turk, kini nga buhat sa US makonsiderar nga usa ka “extrajudicial killing”.
Dugang pa niya, nga ang gihimo sa Washington dili madawat ug kinahanglan nga hunongon dayon.
Gipanawagan usab niya ang imbestigasyon sa nasangpit nga insidente. Kahinumduman nga kapin sa 60 ka mga tawo ang namatay sa daghang insidente sa airstrike sa US sa mga barko nga nagdala og ilegal nga drugas sa Pacific ug Caribbean Seas.
Nagtuo si US President Donald Trump, nga ang ilang gihimo mao ang pagpahunong sa pagkuyanap sa ilegal nga drugas sa maong dapit.
Photo Courtesy to:MEXA
