Nasikop sa Philippine National Police (PNP) ang 1,163 ka tawo sa nagkalain-laing operasyon sa tibuok nasod gikan Oktubre 31 hangtod Nobyembre 2, dungan sa pagsaulog sa Adlaw sa mga Santos ug Adlaw sa mga Kalag.
Sa kinatibuk-an nga 1,391 ka mga operasyon, 517 sa mga nadakpan adunay outstanding warrants of arrest alang sa nagkalain-laing krimen.
Sumala sa PNP, ang mga operasyon nga gihimo naglakip batok sa ilegal nga drugas diin 307 ka kaso, illegal nga sugal dunay 223 ka kaso, ug loose firearms anaa sa 199 ka kaso.
Diin moabot sa 151,066.11 gramos sa ilegal nga drugas ang nasakmit. Kun asa mukabat sa 92,894 ka personnel gikan sa nagkalain-laing ahensya ang gipakatap alang sa seguridad sa Undas lakip ang 32,317 gikan sa PNP, 18,838 gikan sa AFP, BFP, ug PCG, ug 41,739 ka force multipliers sama sa mga barangay tanod ug volunteers.
Nunot niini nakumpiska usab sa mga awtoridad ang 478 nga mga kotselyo, 65 bote ng alak, 52 baraha, ug uban pang mga butang nga bawal sulod sa sementeryo ug sa publikong lugar.
Photo Courtesy to:tempo
