Mikabat sa kapin 1.2 milyon ka pasahero ang natala sa tanang pantalan sa nasud gikan Oktubre 30 hangtod sa udto sa Nobyembre 2, 2025, base sa report sa Philippine Coast Guard (PCG) atol sa pag-obserba sa Undas 2025.
Ang maong ihap mas ubos kumpara sa hapit 2 milyon ka pasahero nga natala sa parehas nga petsa niadtong tuig 2024, apan gipasalig sa PCG nga hapsay ug malinawon ang dagan sa biyahe sa dagat sa tibuok nasud.
Sa All Souls Day (Nobyembre 2), natala sa PCG ang 58,989 ka outbound passengers ug 51,050 ka inbound passengers sa nagkadaiyang pantalan sa nasud.
Lakip sa kalihokan sa ahensya ang pag-inspeksyon sa 493 ka barko ug 862 ka motorbanca, diin wala’y naitalang aksidente o insidente atol sa operasyon.
Gipadayag sa PCG nga padayon silang magbantay ug magpatrolya sa tanang pantalan sa nasud aron masiguro ang kaluwasan ug kahapsay sa pagbiyahe sa mga pasahero.
PHOTO COURTESY TO: GMA
