Giawhag ni House minority leader Marcelino Libanan ang iyang mga kauban nga paspasan ang pag-aprobar sa balaudnon nga nagpataas sa 4P’S s cash grants aron mabawi ang nagkataas nga gasto sa panginabuhi sa nasud.
Sumala ni Libanan nga ang House Bill 120 mag-adjust sa cash grants ngadto sa realistic nga lebel, gumikan sa kasamtangan nga kantidad nga gitanyag dili na igo aron mapundohan ang mga panginahanglanon sa edukasyon, panglawas, ug nutrisyon sa mga benepisyaryo.
Ubos sa balaudnon, ang mga bata nga nagpalista sa daycare ug elementarya makadawat og labing menos Php500 matag bulan sulod sa labing taas nga 10 ka bulan, samtang ang matag bata nga ma-enrol sa junior high school makadawat og Php900 matag bulan sulod sa labing taas nga 10 ka bulan.
Makadawat sab ang mga estudyante nga senior high school ug labing menos Php900 matag buwan sulod sa labing taas nga 10 ka bulan. Dugang pa niini, ang 4Ps health grant madugangan usab ngadto sa labing taas nga Php1,800 matag buwan sulod sa labing taas nga 12 ka bulan, samtang ang bag-ong “food and nutrition” grant nga dili mominus Php600 matag buwan ang ihatag sulod sa labing taas nga 12 ka bulan.
Photo Courtesy to:Journal news online
