Nagpasiugda ang Department of Trade and Industry (DTI) sa Negros Oriental, og usa ka Coco Bazaar 2025, nga naghatag og plataporma alang sa mga mag-uuma sa lubi ug gagmay nga mga negosyo nga nalambigit sa mga produkto sa lubi aron molambo ang ilang mga abot sa merkado, kini ang gibutyag pinaagi ni Benjamin Limbaga, niadtong Martes,kinsa miingon nga labing menos 25 ka exhibitors ang misalmot sa maong fair.
Sumala pa nga “Kini nga kalihokan espesipiko alang sa mga mag-uuma sa lubi ug coconut-based MSMEs (micro, small, and medium enterprises) aron ipakita ang ilang mga produkto sulod sa semana aron mapalambo ang visibility ug magdala og dugang kita,” matod pa ni Limbaga.
Kabahin ang bazaar sa pagpatuman sa Coconut Farmers and Industry Development Plan ubos sa DTI,” dugang pa niini. Ang mga produkto nga gipakita naglakip sa mga handicrafts, musical instruments, food items, coco pole, fertilizer, suka, virgin coconut oil ug condiments nga coconut-based.
Ang mga produkto sa cacao sama sa chocolate candy bars ug “tablea” (pure, sinangag nga liso sa cacao nga gigaling ug gihulma nga bola o tableta para sa chocolate drinks) gibaligya usab sa exhibit.
Gidugang ni Limbaga nga ilang gidasig ang inter-cropping ug diversification, tungod kay ang mga chocolate producers mga mag-uuma usab sa lubi nga nagtikad sa mga punoan sa cacao taliwala sa mga punoan sa lubi. Ang showcase magsugod sa Oktubre 28 hangtod Nob. 2 sa Robinsons Place mall sa Negros Oriental.
Photo Courtesy to:DTI-NEGROS ORIENTAL
