Gipahibalo na sa TV5 ang bag-ong lakang sa showbiz career ni Andrea Brillantes human siya pirma ug kontrata ubos sa MQuest Ventures sa Kapatid Network. Naputol niini ang espekulasyon nga mobalhin siya sa GMA, ug personal pa gyud nga saksi sa signing ang TV5 big boss nga si Manny V. Pangilinan.
Nahitabo ang pagpirma human sa 15 ka tuig nga management ni Andrea ubos sa Star Magic sa ABS-CBN, diin misugod siya niadtong 2010 pinaagi sa gagmay’ng papel sa Goin’ Bulilit. Sukad niadto, misikat ang iyang ngalan sa daghang TV projects, diin ang Batang Quiapo ang iyang pinakabag-ong teleserye.
Matod ni Andrea, buot niyang mapalapad ang iyang “artistic wings” karon nga Kapatid na siya.
Gusto niyang mosuway og daghang lahi sa mga salida gawas sa teleserye, lakip ang komedya ug drama, tungod nagtuo siya nga takus siya sa paghatag og kataw-anan ug kalipay sa mga manan-aw.
Tungod sa nag-uswag nga network collaborations, posible gihapon nga magtinabangay si Andrea sa mga Kapamilya ug Kapuso sa umaabot nga mga proyekto. Nagpabilin siyang positibo sa bag-ong yugto sa iyang karera ug naglaom nga makahatag pa og mas daghang bag-ong hit shows sa Kapatid Network.
Photo Courtesy to:Philippine star
