Nagahin ang Department of Budget and Management (DBM) ug Php997.71 milyon pesos nga pundo aron palig-onon ang programang “Doktor Para sa Bayan” ubos sa 2026 National Expenditure Program.
Gikan sa maong kantidad, Php909.99 milyon pesos ang gigahin alang sa Medical Scholarship and Return Service kun (MSRS) Program sa CHED, samtang Php87.71 milyon pesos ang gigahin alang sa Pre-Service Scholarship Program (PSSP) sa Department of Health.
Sumala ni Budget Secretary Amenah Pangandaman, ang kahimsog ug edukasyon sa kabatan-onan mao ang labing importante nga puhunan alang sa kaugmaon sa nasud.
Subay sa Republic Act 11509 ko Doctors for the People Act, tuyo sa programa nga madugangan ang mga doktor sa mga pampublikong ospital ug sa mga lugar nga kulang sa serbisyong medikal, pinaagi sa libreng pagtungha ug financial assistance bugti sa pagserbisyo sa mga komunidad.
Sa ilawom sa Pre-Service Scholarship Program, suportahan sa gobyerno ang 245 ka medical scholars, 122 ka medical technology scholars, ug 104 ka pharmacy scholars.
Photo courtesy to: tonite.abante.com.ph
