Sa panahon sa lockdown niadtong 2020, usa ka talagsaong hitabo ang nakapukaw sa atensyon sa mga tawo sa Queensland, Australia. Sa Barnacles Café & Dolphin Feeding sa Tin Can Bay, usa ka grupo sa mga humpback dolphins ang nakit-an nga nagdala og mga “regalo” gikan sa dagat — sama sa kabibi, coral, espongha, ug bisan mga botelya.
Ang labing nailhan kanila mao si Mystique, usa ka lalaking dolphin nga pirmi maghatag og mga butang ngadto sa mga tawo sa baybayon. Sumala sa mga boluntaryo, mas kanunay nilang makita kini nga lihok sa mga dolphin samtang wala pa ang mga turista tungod sa pandemya.
Gituohan nga gimingaw ang mga dolphin sa presensya sa mga tawo, tungod kay naandan na nila ang adlaw-adlaw nga interaksyon ug feeding routine nga naputol tungod sa lockdown.
Ang maong panghitabo nagpakita nga bisan ang mga hayop sama sa mga dolphin, adunay usab pagbati sa kamingaw ug pangandoy sa koneksyon sama ra sa gibati sa daghang tawo sa tibuok kalibutan atol sa pandemya.
Photo Courtesy to:Metatainment
