Gipahimangnoan sa Bureau of Fire Protection (BFP) Region 9 ang publiko nga kon mamalit ug mga Christmas lights ug decorations pillion ang mga dekalidad ug nagsunod sa standard compliance sa ilang buhatan.
Matod ni BFP 9 Regional Director Fire Chief Superintendent Jerry Candido hugot sila nga nagdili sa publiko sa pagpalit sa mga barato ug mga substandard products nga posibleng sinugdanan sa sunog ug pagkaguba sa kinabuhi ug kabtangan.
Gisaysay ni RD Candido, kun ang tanan musunod sa ilang mga pagpatuman dako ang mahimong kahimuan nga mahimong malipayon ang pagsaulog sa kapaskuhan ug mahimong mabungahon ang bag-ong tuig.
Siya miingon kun walay sunog, walay bisan usa nga magsubo nga mga pamilya sa maong mga panahon. Samtang nanawagan si Candido sa publiko sa pagsuporta sa ilang mga paningkamot aron maprotektahan ang kinabuhi ug kabtangan pinaagi sa fire prevention and emergency preparedness initiatives.
