Nadakpan sa Scotland ang usa ka Amerikano nga wanted sa kaso sa pagpanlugos human nagpakaaron-ígnon nga patay aron makalikay ang salaod. Gihukman siya sa korte sa Utah sa sentensiyang hangtod tibuok kinabuhi nga pagkabilanggo.
Ang suspetsado nga si Nicholas Rossi, 38 anyos, dugay nang gipangita sa awtoridad sa Estados Unidos tungod sa kasong rape nga nahitabo niadtong 2008. Aron makalikay sa iyang krimen, giingong nanglimbong siya pinaagi sa pagpahimog obituary nga nagdetalye sa iyang pagkamatay tungod sa kanser, ug dayon mitago sa Europe diin nagpakaaron-ingnong Irish.
Nailhan siya pag-usab sa mga awtoridad human masuta pinaagi sa DNA test nga siya mao gihapon ang responsable sa rape case nga gisugdan pag-imbestigar kaniadtong 2018. Naaresto siya sa Scotland niadtong Oktubre 2021 human mailhi pinaagi sa mga tattoo nga nagtugma sa impormasyon sa Interpol.
Bisan pa sa klarong ebidensya, gipanghimakak gihapon ni Rossi ang kaso batok niya ug miingon nga naalaan lang siya. Apan giingon sa korte nga klaro ang iyang tuyo sa paglikay ug pagpanglimbong.
Gisugdan usab kaniadtong Setyembre ang laing kaso sa pagpanlugos batok niya nga nahitabo sa parehas nga tuig, diin napamatud-an usab siyang sad-an.
SOURCE: TELEGRAPH
