Patay ang isa ka persona matapos ang insidente sang pagbayluhanay sang lupok sa implementasyon sang search warrant sang kapulisan sa Barangay Lilit, Lambayong, Sultan Kudarat, sang kaagahon Oktubre 20, 2026.
Suno sa initial police report, ang armado nga lalaki ang gin-alegar nga nagpalupok sa nagapalapit nga mga pulis, gani nagbalos ang mga operatiba sa pagdepensa sang ila kaugalingon. Ginhingagaw pa dal-on sa ospital ang lalaki, apang gin-deklarar nga dead on arrival.
Sa pagpadayon sang operasyon, nakumpiskar ang tatlo ka sachet sang ginapatihan nga shabu nga may kabug-aton nga mga 17 gramos, isa ka Uzi-type nga armas, kalibre .38 nga rebolber, mga bala kag iban pa nga kagamitan.
Isa ka 45-anyos nga lalaki ang gin-aresto sa nasambit man nga lugar. Samtang, padayon pa ang imbestigasyon sa insidente sang pagpamusil.
Photo courtesy: PNP Police Regional Office 12
