Gitaod ug gipaandar ang bag-ong Automatic Voltage Regulators (AVRs) sa barangay Sagayen, lungsod Asuncion Davao del Norte, aron mas mapaayo ang kalidad ug kalig-on sa suplay sa kuryente sa maong lungsod lakip na ang lungsod sa Sawata Davao del Norte ug Laak sa Davao de Oro.
Pinaagi niini nga mga kagamitan, gilauman nga mas mahimong lig-on ug makanunayon ang suplay sa kuryente, nga makatabang sa mga residente, komunidad ug lokal nga negosyo sa maong mga lugar.
Gipasalamatan usab ang mga engineers ug teknikal nga grupo sa Davao Light and Power Company kinsa naningkamot aron mapadali ang pag-instalar ug pagpaandar sa maong mga butang sa sub-station, Brgy. Sagayen sa nasangpit nga lungsod ug probinsya.
Sumala pa sa kompanya, nga kabahin kini sa ilang padayon nga paningkamot nga mapaayo ang serbisyo ug kasaligan nga suplay sa kuryente sa ilang mga lugar nga giserbisyohan.
Photo Courtesy: DLPC
