Nakabaton sang Gold Award ang Sultan Kudarat Police Provincial Office sa 2026 Drug-Free Workplace Seal Certification Program Assessment sang DILG Region 12.
Ang pagkilala ginpaabot sa Pasidungog 2026 Awards and Recognition Program nga ginhiwat sa General Santos City sang Oktubre 19, 2026. Personal nga ginbaton ni PCOL Marvin A. Fontalva, acting provincial director sang SKPPO, ang nasambit nga award.
Samtang, pito ka operating units sang SKPPO ang nakapasar man sa drug-free workplace assessment, lakip ang mga Police Station sang Bagumbayan, Columbio, Esperanza, Lebak, Lutayan kag President Quirino, pati ang 2nd Sultan Kudarat Provincial Mobile Force Company.
Suno sa SKPPO, ang pagkilala nagapakita sang ila pagpanikasog sa pagpalig-on sang disiplina, kahimsog kag propesyonalismo sa hanay sang kapulisan.
Photo courtesy: PNP Sultan Kudarat Police Provincial Office
