Gipaabot nga mous-os na usab ang presyo sa lana sunod semana, matod sa Department of Energy niadtong Biyernes, Oktubre 17.
Base sa upat ka adlaw nga trade monitoring sa Means of Platts Singapore, ang DOE Oil Industry Management Bureau Assistant Director Rodela Romero miingon nga ang mosunod nga rollbacks gilauman sa sunod semana:
Gasoline – P0.30/matag litro
Diesel – P1.10/ kada litro
Kerosene – P0.65/ matag litro
Namatikdan ni Romero nga kini nga mga numero wala maglakip sa negosyo ug uban pang mga premium nga gasto.
Ang gipaabot nga pag us-os sa presyo tungod matod pa sa sobra nga suplay sa Organization of the Petroleum Exporting Countries and allies (OPEC+), partikular na sa Russia ug United States.
Namatikdan ni Romero nga usa ka pagdagsang sa suplay ang nakita sa internasyonal nga merkado pagkahuman giingon sa International Energy Agency nga ang pagtubo sa panginahanglan sa lana mikunhod pag-ayo.
Gibutyag sa International Energy Agency, nga duna silay adjustment sa ilang forecast. Dugang niya nga niubos ang demand growth sa oil sa international market. Gipasiugdahan usab sa US ang panaghisgot sa kalinaw tali sa Russia ug Ukraine nga nakatampo usab sa pag-us os sa presyo sa lana sa kalibotan, sumala ni Romero.
Ang gasolina karong semanaha niusbaw og P0.30 matag litro bisan pa sa gipaabot nga rollback sa Means of Platts Singapore sa miaging semana.
Ang kerosene mikunhod og P0.20 matag litro, samtang ang diesel walay kausaban. Kini human nisaka ang presyo sa diesel ug kerosene Dugang ni Romero nga kasagarang motaas ang panginahanglanon sa lana sa kataposang quarter sa tuig tungod sa panginahanglan sa pagpainit sa gasolina, diesel ug Liquefied Petroleum Gas, dapit sa northern nga bahin sa kalibutan.
Photo Courtesy to:Philippine News Agency
