Nagtigom ang mga kababayen-an gikan sa lain-laing lungsod ug barangay sa tibuok probinsya sa Bukidnon atol sa gipahigayon nga KALIPI Women Forum kagahapon Oktubre 17, 2025, sa Kaamulan Open Theater sa Malaybalay City
Gibutyag ni Ellen T. Salumintao, Provincial Social Welfare and Development Officer, nga ang forum gipasiugdahan sa Kalipunan ng Liping Pilipina (KALIPI) — usa ka organisadong grupo sa mga kababayen-an ubos sa Department of Social Welfare and Development (DSWD) ug sa Local Social Welfare and Development Offices (LSWDOs) sa tumong pagdasig sa mga kababayen-an nga mahimong lig-on, aktibo, ug adunay tinud-anay nga partisipasyon sa mga kalihokan sa komunidad
Gipasabot usab ni Salumintao nga 18 ka munisipyo ug 2 ka siyudad lamang ang nakasalmot sa maong kalihukan tungod kay ang ubang munisipalidad padayon pa sa pag-organisa sa ilang grupo diin 30 ka representante matag LGU ang mitambong sa kalihukan
Kini ang gipasabot ni Provincial Social Welfare and Development Officer – Ellen T. Salumintao sa eksklusibong pakighinabe sa Juander Radyo Malaybalay atol sa maong kalihukan nga gitambongan usab sa nagkadaiyang ahensya sa probinsya sama sa Provincial Health Office (PHO), Department of Trade and Industry (DTI), Provincial Agriculture Office (PA’GRO), ug uban pa
Gilauman nga pinaagi sa maong forum, mas daghang kababayen-an ang ma-inspire nga magtinabangay, mamalig-on, ug mahimong ehemplo ug responsable alang sa kalamboan sa ilang pamilya ug komunidad.
