Gipasidan-an ni US President Donald Trump ang Presidente sa Venezuelan nga si Nicolás Maduro, lakip na ang posibilidad sa pagpadala og mga ground troops, paghimog covert operation, ug pagpalupad sa nuclear-capable bombers duol sa kadagatan sa Venezuela.
Miingon si White House Press Secretary Karoline Leavitt nga gikonsiderar ni Trump ang gobyerno ni Maduro nga usa ka “illegitimate regime” nga giingong nalambigit sa mga operasyon sa droga sa rehiyon.
Apan ang mga eksperto nag-ingon nga kadaghanan sa mga ilegal nga droga nga mosulod sa Estados Unidos moagi sa Mexico ug Pacific smuggling ruta, dili sa Caribbean.
Samtang nagkagrabe ang tensyon tali sa US ug Venezuela, ang lain-laing mga nasud ug internasyonal nga mga tigpaniid nagpabilin nga alerto alang sa sunod nga mga lakang sa duha ka habig.
Bisan pa sa hulga sa militar, ang uban naglaum nga ang dayalogo ug diplomasya maoy mopatigbabaw ug dili agresyon
Gisaway usab sa Venezuelan Foreign Ministry ang Estados Unidos sa gihimong lakang nga gitawag isip “policy of aggression, threats, ug harassment.”
via :LOS ANGELES TIMES
