Gikumperma sa Department of Labor and Employment (DOLE) nga naaprobahan na ang minimum wage increase sa mga trabahante sa Central Luzon (Region III) ug Soccsksargen (Region XII).
Sumala sa National Wages and Productivity Commission (NWPC), ang mga mamumuo sa Central Luzon makadawat og ₱50 ngadto sa ₱80 nga usbaw sa suholan matag adlaw, samtang sa Soccsksargen, ₱30 ngadto sa ₱33.
Ubos sa bag-ong Wage Order, ang usbaw sa suholan sa Central Luzon mao ang ₱50 kada adlaw para sa mga trabahante sa Bataan, Bulacan, Nueva Ecija, Pampanga, Tarlac, ug Zambales
Samtang, ang mga domestic worker sa rehiyon makadawat ug ₱500 nga umento sa ilang binuwan nga sweldo, nga nagdala niini ngadto sa ₱6,500. Gibanabana nga kapin sa 120,000 ka mga domestic worker ang makabenepisyo.
Samtang, giaprobahan usab ang usbaw sa suholan sa Rehiyon XII nga epektibo sa Nobyembre 2:₱30 kada adlaw para sa sektor sa agrikultura, tingi, ug serbisyo,₱33 kada adlaw para sa non-agriculture sector
Niini, ang minimum nga sweldo sa mga household servants sa Soccsksargen mosaka ngadto sa ₱6,000 matag buwan, nga gipaabot nga makabenepisyo sa 26,688 ka mga trabahante sa panimalay.
via: The Philippine student tambayan
