Nakuhaan ug armas ang usa ka lalaki didto sa Boy Scout Building, Barangay 1, Malaybalay City kinsa padulong sa court hearing alas 4:00 niaging Oktobre 16, 2025.
Ang dinakpan giila nga si alyas Dante, 57 anyos, adunay live-in partner, ug residente sa Sabado Street, Poblacion, Pangantucan, Bukidnon.
Base sa report, si Dante motambong unta sa court hearing sa RTC Branch 46 diin isip protocol sa korte, gisusi una iyang sling bag sa Court Security Unit (CSU) personnel dihang nakita ang usa ka armas Rock Island Armory brand cal.45 pistol loaded ug tulo ka bala nga walay kompletong dokumento o lisensya.
Tungod niini, gilayong girespondihan sa kapolisan ang taho ug gidakop ang suspetsado. Sa karon gikustodiya na ang nasangpit nga lalaki sa Malaybalay City Police Station alang sa tukmang disposisyon
via: Malaybalay PNP
