Gipahibalo sa militanteng grupong Hamas nga ila nang gibuhian ang tanan nga ilang gihuptang mga bihag ug gitugyan usab ang mga patay’ng lawas sa mga nabilin nilang bihag ngadto sa International Committee of the Red Cross (ICRC).
Sumala sa grupo, ang tanan nga ilang nakuha ug nakit-an nga mga lawas anaa na karon sa kustodiya sa ICRC alang sa tukma nga proseso sa pag-ila sa mga biktima.
Dungan niini nga kalamboan, gipagawas usab sa Israel ang pipila ka mga Palestinian nga kaniadto ilang gibilanggo, isip kabahin sa kasabutan.
Samtang gipahimangnoan sa Estados Unidos ang Hamas nga isurender na ang ilang mga armas isip kabahin sa gipahigayon nga ceasefire deal tali sa duha ka nasud.
Sa laing bahin, giingon ni US President Donald Trump nga kasamtangan na nilang giandam ang ikaduhang bahin sa kasabutan sa ceasefire aron mapadayon ang kalinaw sa rehiyon.
Photo courtesy to:BBC
