Gikumpirma sa Los Angeles Lakers nga dili moduwa si NBA superstar LeBron James sa home opener sa NBA. Kini human ma-diagnosed sa right-side sciatica kon asa kinahanglan pa kaniya magpahulay sa upat ka semana.
Gibutyag ni Lakers coach JJ Redick nga ang 40-anyos nga si James wala makaduwa og duha ka preseason games tungod sa nerve irritation sa iyang glute.
Kahibaloan nga ang Sciatica mao ang kasakit o paghubag sa sciatic nerve gikan sa ubos nga likod sa paa. Ang Lakers coach midugang nga ang ilang doktor mosusi pag-ayo kang James human sa tulo ka semana sa dili pa siya tugotan nga makaduwa.
Una nang niingon si James nga excited siyang moduwa tungod kay siya ang labing unang magduduwa sa kasaysayan sa NBA nga makaduwa sa iyang ika-23 nga season.
Photo Courtesy to:Wikipedia
