Niadtong 2013, aksidenteng nalabay ni James Howells, usa ka IT worker gikan sa Wales, ang usa ka hard drive nga naglangkob sa 7,500 ka Bitcoins.
Niining panahuna ang kantidad sa maong digital nga kwarta miabot lamang og $8 milyon, apan Karon mitubo na kini sa labaw $742 milyon — o kapin ₱54 bilyones kung i-convert sa Philippine peso. Sulod sa kapin usa ka dekada, si Howells gipangita pag-usab ang maong hard drive nga gituohang nalubong pa gihapon sa landfill site sa Newport.
Nagplano siya nga gamiton ang mga drone, robotic dogs, ug AI technology aron masusi ug makalot ang dapit, apan gipugngan siya sa mga lokal nga otoridad tungod sa mga kabalaka sa kalikupan ug kaluwasan.
Niadtong 2024, gisalikway sa korte ang kaso nga gisang-at ni Howells batok sa Newport City Council, hinungdan nga napugos siyang ihunong ang opisyal nga operasyon sa pagpangita.
Bisan pa man niini, nagpabilin siyang determinado ug naglaom nga makuha pa niya ang hard drive nga mahimong pinakadakong digital treasure nga nahibilin sa basura.
via: Reddit
