Gihukman sa 18 ka buwan nga pagdili pagduwa ang Irish fighter nga si Conor McGregor. Kini nunot sa iyang paglapas sa Ultimate Fighting Champion (UFC) anti-doping policy.
Sumala sa Combat Sports Anti-Doping (CSAD), ang 37-anyos nga si McGregor napakyas sa pagsumite sa biological sample collection tulo ka beses sulod sa 12 ka bulan niadtong 2024.
Ang polisiya sa UFC nag-ingon usab nga ang mga atleta kinahanglang mohatag ug saktong lokasyon diin sila magpuyo aron sila makaadto dayon kanila ug mangolekta og mga sample.
Wala na makaaway si McGregor sukad niadtong Hulyo 2021 human naangol sa iyang tiil sa kataposang away ni Dustin Poirier niadtong Hulyo 2021.
Napakyas siya sa pagsulay sa miaging tuig niadtong Hunyo 13, Septiyembre 19 ug Septiyembre 20.
Dugang pa sa CSAD nga ilang gipaubos ang ban ni McGregor gikan sa 24 ka buwan ngadto sa 18 ka buwan tungod kay boluntaryo kini nga nakig-alayon kanila.
via: MARCA
