Usa ang mga Pinoy nga anaa sa listahan sa mga nominado sa 2025 Asian Academy Creative Awards (AACA), diin gilakip ang dagkong ngalan sa industriya sama nila Dennis Trillo ug Piolo Pascual.
Gipangalanan si Dennis Trillo isip Best Actor in a Leading Role alang sa iyang papel sa “Green Bones”, samtang si Piolo Pascual nakadawat og nominasyon isip Best Actor in a Supporting Role alang sa “The Kingdom.”
Apil usab ang aktres nga si Jodi Sta. Maria, nga nahimong Best Actress in a Leading Role tungod sa iyang performance sa “Untold.” Si Dimples Romana usab nakadaog isip Best Actress in a Supporting Role para sa “The Caretakers.”
Ang seryeng “Saving Grace” nga gipangulohan ni Julia Montes maoy nakadaug sa Best Adaptation of an Existing Format (Scripted).
Ang mga Pinoy usab midaog sa lain-laing kategorya nga sila ni Jay Abello nga gipasidunggan sa Best Cinematography alang sa “Beauty Empire,” ug ang sikat nga singing contest nga “The Voice Kids” nga gihatagan og Best Adaptation of an Existing Format (Non-Scripted).
Ang AACA ipahigayon sa Capitol Theatre sa Singapore karong Disyembre 3 ug 4, diin magtapok ang mga mananaog sa ilang tagsa-tagsa ka nasud alang sa grand finals sa Asia-Pacific level.
Nadaog usab sa mga Pinoy ang uban pang kategorya sama sa Best Drama Series, Best Feature Film, Best Comedy Program, ug Best Children’s Program.
Kini nga kalihokan usa ka pasidungog sa labing maayong mga talento ug obra sa telebisyon ug pelikula sa tibuok Asia-Pacific region.
Photo Courtesy to: X
