Mokabat sa kapin gatos ang ihap sa mga panimalay ang gilamoy sa kalayo kagahapong adlawa sa Barangay 17 syudad sa Cagayan de Oro. Kini human gitoohan sa mga residente nga adunay nilung-ag ang nabyaan rason sa paspas nga pagkaylap sa kalayo.
Gibutyag ni City Fire District Operation Chief Senior Fire Inspector Kyle Brian Lauzon nga mokabat sa kapin kon kulang 1.5 milyones ka pesos ang damyus ug gipasaka sa 4th Alarm ang sunog gumikan sa dikit dikit ang mga panimalay ug gama sab kini sa light materials. Samtang ang mga nabiktima sa sunog ang gipang-tunolan na sab sa hinabang ug gi-atiman sa mga Barangay Officials.
Sa pagkakaron nagpadayon ang imbestigasyon sa BFP aron masuta ang hinungdan sa kalayo. Gibutyag ni Baranagay 17 Kagawad Gerry Cabanlas nga lakip ang ilang panimalay gilamoy sa kalayo og wala kini nabit-bit nga gamit human sa hitabo.
Matud ni Cabanlas nga nagsugod ang kalayo sa luyong bahin sailang silingan nga kalit lamang midako ug paspas ang pagkatay hinungdan nga nalakip ang ilang gipuy.an. Naghangyo si kagawad Cabanlas nga sila matabangan sa mga nag unang panginahanglanon tungod halosa sa biktima sa nasugan walay nanga- nabitbit.
