Gisintensyahan og kamatayon sa usa ka korte sa China ang 11 ka mga miyembro sa usa ka iladong pamilya nga nagdumala og scam centres sa Myanmar human silang mapamatud-an nga guilty sa pagpanglunsad og mga krimen. Kadaghanan kanila usab gisentensyahan og taas nga panahon sa bilanggoan.
Ang pamilya Ming nagtrabaho para sa upat ka mga clan nga nagdumala sa usa ka hilom nga lungsod sa Laukkaing, duol sa utlanan sa China, nga nahimong sentro sa sugal, ilegal nga droga, ug mga scam centres.
Kaniadtong 2023, dali nga gibungkag sa Myanmar ang maong mafia pinaagi sa pagdakop sa mga miyembro sa pamilya ug dayong pag-turn over kanila sa mga otoridad sa China.
Mikabat og 39 ka mga miyembro sa pamilya Ming ang gihukman sa eastern city sa Wenzhou. Gawas pa niini, 11 kanila ang gisentensyahan og silot kamatayon nga adunay duha ka tuig nga suspensyon; 11 usab ang gisentensyahan og tibuok kinabuhi nga pagkapriso, samtang ang uban gihukman og lima hangtod 24 ka tuig nga pagkabilanggo.
Nasuta sa korte nga sukad pa niadtong 2015, ang pamilya Ming ug ubang kriminal nga grupo nalambigit sa mga ilegal nga kalihokan sama sa telecommunications fraud, illegal nga pasugal, drug trafficking, ug prostitusyon, diin nakaginansya sila og kapin sa 1.4 bilyones dolyares, o sobra sa 82 bilyones pesos.
Photo Courtesy to: BBC
