Gipaabot ni Konsehal Marlo Tabac, kinsa ABC president ang ilahang kabalaka sa pagkunhod sa gigahin nga National Tax Allotment (NTA) nga kanhi gitawag nga Internal Revenue Allotment alang sa mga kabarangayan.
Sa iyahang special report, gibutyag ni Konsehal Tabac nga ubay-ubay nga mga barangay sa syudad ang nakunhuran ang National Tax Allotment. Gipananglitan niini ang sa Barangay Puntod nga nakunhuran ang NTA og PHP3 million samtang ang Barangay 22 anaa sa PHP1.6 million ang pagkunhod.
Pipila usab sa gilantaw nga hinungdan ang nigula nga 2024 National Population Survey lakip na mga boundary disputes kon bangi sa utlanan sa mga barangay, labi na ang paghatag og NTA nakabase sa populasyon ug land area sa usa ka LGU.
Tungod niini nga mga pagkunhod sa allotment, gipasabot ni Konsehal Tabac nga labing apektado ang ginapatuman nga mga serbisyo, programa ug proyekto sa mga barangay.
Busa, iyang gihangyo ang konseho nga maghimo og mga lakang aron nga matun-an kung unsa pa ang mga posibleng epekto sa pagkunhod sa National Tax Allotment sa mga barangay.
Photo Courtesy to:Cagayan de Oro City Council
