Nagpakita sa tinuoray nga serbisyo publiko ang Juander Radyo Loyalista Incorproated – Bukidnon Chapter pinaagi sa “Oplan Tabang” uban sa koordinasyon sa Juander Radyo Malaybalay, Juander Radyo Cagayan de Oro ug Juander Radyo Iligan diin gihatod ang tabang ngadto sa mga naapektuhan sa baha didto sa Purok -13 ug Purok -21 Poblacion, ingonman sa Purok-2 Barangay Lumbo dakbayan sa Valencia niadtong Setyembre 23, 2025.
Lakip sa gipanghatag mao ang mga used clothing, toothpaste, toothbrush, balde ug kabo, lima ka kilo nga bugas, ug uban pa sa atong mga coordinator nga nabahaan sakop sa Upland Cluster sa syudad ug pipila ka mga residenti sa lugar.
Ang maong hinabang gikan sa mga miyembro sa Juander Radyo Loyalista Incorporated ug sa mga katawhan nga nagdonar sa tabang sama nila Andy Abellana sa Cabangahan, Wenifreda Sajulga, Jupiter Perez sa P-8 San Jose, Lea Colubong sa P-2B Aglayan, Lojita B. Cainglet sa P-3B Aglayan, Masas Cresinta ug Jaime Monreal, Ma. Merly Aguilar, Angie Sarte sa P-3 Cabakungan, Barangay Linabo, ug daghan pang uban.
Dako usab ang pagpasalamat sa upat ka mga coordinator sa Juander Radyo Loyalista Incorporated nga sila si Soriana Dicoran, Jessie Socong sa P-13 Poblacion, Marina Peliron sa P-21, ug si Nena Hortillano sa P-2 Lumbo. Ang maong hiniusang paningkamot nakahatag dugang paglaom sa mga biktima sa kalamidad sa Valencia City.
