Giklaro ni Lt. Col. Hector Estolas ang bag-ong Battalion Commander sa 39 Infantry Battalion, nga insurgency free ang ilang kinatibok-ang area of responsibility.
Gipagula kini ni Estolas, atol sa meet and greet sa mga media, nga gipahigayon sa 39IB, Barangay Poblacion, Makilala, North Cotabato, kagahapong adlawa Setyembre 24, 2025.
Sumala pa, nga nahimo kining posible tungod sa tabang sa mga Local Chief Executives, hinungdan nga nahimong malampuson ang kampanya sa kasundaluhan.
Dugang pa, nga usa ang Executive Order 70 o End Local Communist Armed Conflict kon ELCAC ang hinungdan nganong nibalik na sa sabakan sa gobyerno ang mga rebelde.
Nanghinaot usab si Estolas, nga pinaagi sa mga media, matabangan sila aron mapahibalo sa katawhan ang mga maayong programa sa kasundalohan, hilabi na sa 39IB. Si Estolas, maoy nihulip sa kanhing Battalion Commander nga si LTC John Fer Solamo.
