Naglisod karon ang mga lokal nga mag-uuma tungod kay nagpabiling ubos ang presyo sa bugas humay. Matud sa Samahang Industriya ng Agrikultura (SINAG), kinahanglan nga ipatuman sa gobyerno ang P5 matag kilo nga support price ug bawion ang taripa sa imported nga bugas.
Gibutyag usab nila nga walay epekto ug dili epektibo ang gipatuman nga import ban tungod kay wala kini makapataas sa farmgate price sa maong bugas nga nagpabiling P10 ngadto sa P12 matag kilo samtang sa ubang lugar niabot na kini og P8.00 matag kilo.
Gipaabot nga mous-os pa ang presyo sunod buwan tungod sa ting harvest. Ila nang gipadangat ang ilang reklamo ngadto sa Department of Agriculture ug nanghinaot nga matuman ang ilang hangyo.
Photo courtesy to:Dahong Palay
