Adunay igong pundo ang gobyerno aron pagtubag sa mga panginahanglanon sa mga lugar nga naapektuhan sa Super Typhoon Nando.
Kini ang gipasalig ni Department of Budget and Management (DBM) Secretary Amenah Pangandaman atubangan sa mga kadaot nga gipahinabo sa Super Typhoon Nando sa nagkadaiyang probinsiya sa Luzon.
Matod ni Pangandaman, gimandoan siya ni Presidente Ferdinand “Bongbong” Marcos Jr. nga suportahan ug tabangan dayon ang mga tawo nga apektado sa kalamidad, lakip na ang mga nag-unang ahensya nga moresponde sa mga bagyo ug kalamidad.
Dugang ni Pangandaman nga aduna pay P8.633 bilyones sa National Disaster Risk Reduction and Management Fund nga gitagana alang sa hinabang, rehabilitasyon ug pag-ayo sa mga permanenteng istruktura sa mga dapit nga apektado sa kalamidad.
Photo courtesy to:DBM
