Nabiktima sa ransomware ang mga nag-unang tugpahanan sa United Kingdom, Germany, ug Belgium.
Kini ang resulta sa imbestigasyon nga gihimo sa European Union Agency for Cybersecurity.
Wala na lang gidetalye sa maong ahensya kung asa nga nasud nagikan ang grupo nga responsable sa maong mga cyber attacks.
Sukad pa niadtong miaging Biyernes, pipila ka mga biyahe na sa dagkong mga airport sa Europa ang nakasinati og problema sa ilang automated check-in systems.
Bisan pa man nga na-normal na ang dagan sa kadaghanan sa mga biyahe, nagbaton gihapon pipila ka flight sa Berlin Brandenburg Airport nga nagkaaberya sa ilang check-in system.
Matud sa ahensya nga karong tuiga pa lang, ang mga responsable sa ransomware nakatigom na og kapin sa $238 bilyon.
Ang tuyo sa ransomware mao ang pagpugos sa mga computer systems pinaagi sa pag-hack niini, ug dayon ipatubos kini sa mga gitudlo nga kantidad aron ibalik ang kontrol sa tag-iya.
Photo courtesy of dreamstime.com
