Gikompirmar sa Federal Bureau of Investigation (FBI) nga anaa na sa ilahang kustodiya ang nag-unang suspetsado sa pagpusil-patay sa konserbatibong personalidad nga si Charlie Kirk.
Giila ang suspect nga si Tyler Robinson, 22 anyos, ug matod ni FBI Director Kash Patel, ang sapot nga iyang gisul-ob sa dihang siya gidakop mao ra ang iyang gisul-ob sa panahon sa krimen.
Ang mga detalye sa pagdakop kaniya wala pa gipagawas sa mga awtoridad samtang nagpadayon ang imbestigasyon.
Miinsistir si Utah Gobernador Spencer Cox nga ang suspetsado dili estudyante sa Utah Valley University (UVU), sukwahi sa nangaging espekulasyon. Matod niya nga importante nga maklaro kini aron dili malambigit ang unibersidad sa maong insidente.
Ang gobernador midugang nga si Kirk gipatay samtang nagpasiugda sa kagawasan sa prensa usa ka sukaranan nga katungod nga giingon niya nga padayon nga gihulga sa karon nga diskurso sa Amerika.
Dili pa klaro ang motibo sa maong pagpamusil, apan gipasalig sa FBI nga padayon ang ilang makuting imbestigasyon.
via: REUTERS
