Mokabat sa 500 ka mga mag-uuma uban sa ilang tagsa-tagsa ka mga agricultural technician, ug uban pang importanteng mga stakeholders sa agrikultura sa probinsiya sa Bukidnon, ang nagtigom alang sa National Information Caravan kagahapon Setyembre 9, sa Kaamulan Park Open Theater, nga nagtumong sa pagpauswag sa kahibalo ug pag-access sa mga programa ug serbisyo sa agri-fishery sa ahensya uban sa sa tema ‘Agrikultura Para sa Masaganang Bagong Pilipinas”.
Gi-organisar sa Agriculture and Fisheries Information Division sa pakigtambayayong sa DA-Regional Field Office 10, ang mga kaubang bureaus ug ahensya niini, ug ang provincial ug municipal government units sa Bukidnon, naghatag ang aktibidad og plataporma sa paghatag gahum sa grassroots sa hingpit nga paggamit sa nahisgutang mga oportunidad, pagpaambit sa mga istorya sa kalampusan ug labing maayo nga mga gawi, ug pagpalig-on sa kapasidad sa mga mag-uuma taliwala sa sektor.
Sa maong programa gihatagan ug gibug-aton ni Department of Agriculture Regional Technical Director Carlota Madriaga ang importansya sa saktong suporta sa mga mag-uuma ilabina sa Young Farmers pinaagi sa pagpaila kanila sa mga teknolohiya nga mapasayon ug mapagaan ang proseso sa pagpanguma.
Mipaabot usab sa pasalamat si Governor Rogelio Roque ngadto sa Department of Agriculture kung asa dako ang tabang niini sa Coffee Road Map system, Farm Development for Younger Generations ug uban pa sa agricultural sector sa Bukidnon isip foodbasket sa Mindanao ug tibuok nasud.
via: Department of Agriculture 10
