Giangkon sa Cybercrime Investigation and Coordinating Center (CICC) nga naglisod sila sa pag-ila sa mga nagpaluyo sa deepfakes ilabina na ang mga gigamit alang sa pornography..
Segon kang CICC Acting Executive Director Aboy Paraiso, kasagaran matud pa anaa sa gawas sa Pilipinas ang mga responsable nga nagpaluyo sa deepfake.
Dili susama sa fake news ug illegal gambling activities,lisod ma-detect ang deep fake sa social media, bisan pa man gipasalamatan pa usab sa opisyal ang socmed platforms sa paspas nga aksiyon aron tangtangon ang deepfake materials.
Gipasabot usab sa opisyal nga ang problema paghidangat sa pornographic ug adult content, sa dark web gihimo sa mga criminal ang transaksiyon sa susamang mga butang ug dili sa socmed.
Kung asa ang bulnerable sa susamang scheme mao ang mga actor ug influencers tungod kay expose ug dali nga makuha ang ilang mga hulagway sa social media.
Apan gihatagan ug gibug-aton sa opisyal nga gipakusgan nila ang ilang pagpaningkamot aron mapugngan nga mo grabi pa ang pagkuyanap sa susamang binuhatan.
Suportado usab sa CICC official ang mas gipahugtan nga regulasyon ug mga pamalaod aron mabatukan ang deepfake. Kahinumduman nga usa ang aktres nga si Angel Aquino sa nabiktima sa deepfake porn kalakip na ang anak sa social media influencer nga si Queen Hera, diin gigamit ang hulagway sa iyang anak sa dark web.
Managsama usab nga nagpadayag sa pagsaway ang duha batok sa deepfake porn sa ilang pag-atubang sa pagdungog sa Senate Committee nga gipamunuan ni Senador Risa Hontiveros niadtong Huwebes nga nag-imbestiga sa gikabalak-ang deepfake porn.
Photo courtesy of Cnrs news
