Gipadayag ni US President Donald Trump nga posible nga daghan sa nahabilin nga mga bihag sa Gaza ang posibleng patay na.
Sa pakighinabi sa US President didto sa iyang Oval Office, iyang giingon nga posible nga ang pipila sa mga bihag namatay bag-o pa lang, base sa iyang nahibal-an.
Matud pa anaa sa 38 ka bihag ang gikabalak-ang nakabsan na sa kinabuhi, kung asa mga bata pa ug mga matahom nga mga indibidwal.
Bisan pa niini, nagpadayon gihapon ang lawom nga negosasyon sa Amerika ug sa Hamas.
Gihangyo usab ni Trump ang Hamas nga buhian na ang tanang mga bihag, apan kung dili buhian, mahimong lisod ug dili maayo ang ilang kahimtang.
Giluwatan ni Trump ang maong pamahayag taliwala sa plano sa Israel nga maglunsad ug bag-ong opensiba sa Gaza City.
Sa pagkakaron, nagpabilin pa sa Gaza ang 47 ka bihag gikan sa 251 ka hostages nga gikuha sa Hamas sukad sa ilang pagsulong sa Israel niadtong October 7, 2023.
Apan sumala sa Israeli military, 25 na ang kumpirmadong patay sa mga nahabilin nga bihag ug padayon ang ilang paningkamot nga mabawi ang mga lawas niini.
Photo courtesy of Britanica
