Labing menos tulo ka mga tawo ang Patay ug dosena ang nasamdan sa dihang nahugno ang usa ka building atol sa relihiyosong panagtapok sa nag-unang isla sa Java sa Indonesia niadtong Domingo, sumala sa lokal nga mga opisyal sa kalamidad.
Ang insidente nahitabo sa distrito sa Bogor, West Java, diin mga 100 ka mga tawo, kasagaran mga babaye, nagpundok sa usa ka community hall alang sa usa ka Koran recital sa paghandum sa adlawng natawhan ni Propeta Mohammed.
Sumala sa inisyal nga datos, 84 ka tawo ang gitambalan, tulo ka tawo ang namatay, samtang ang tanan nga mga tawo sa sulod sa hall gi-account na, ug ang mga nasamdan dali nga gidala sa duol nga mga ospital, kadaghanan naka angkon og minor injury.
Gikumpirma sa mga nakasaksi nga walay ulan o pagdahili sa yuta sa panahon sa pagkahugno, nga nagsalikway sa mga hinungdan nga may kalabutan sa panahon.
Ang mga awtoridad sa Bogor gilauman magpahigayon ug pormal nga imbestigasyon sa kalidad sa istruktura sa nahugno nga building.
via: Aji /AFP
