Gipatay sa 34-anyos nga babaye, bachoe operator, ang iyang bana, human nag-away kini didto sa dike construction site sa Barangay Laligan syudad sa Valencia adlawong Sabado Setyembre 6, 2025
Base sa exclusive nga pakighinabi sa Juander Radyo Malaybalay ngadto kang PLtcol. Bryan Panganiban gibutyag nga base imbestigasyon posibleng self-defense ang gihimo sa asawa giilang si Chery Mae Recto sanglit gisulong man kini sa bana nga si Junard Recto ug giharas, gibato ug gidapatan pisikal samtang duty sa trabaho niadtong higayona dihang wala motubag sa iyang tawag sa telepono.
Nasayran nga adunay daang record sa kapolisan sa pagkapriso ang bana tungod sa kasong pagpangulata sa asawa.Β Gihingusgan ni Cherry Mae nga wala niya tuyoa ang pagkabundak sa bucket ngadto sa iyang bana gumikan kay nataranta kini tungod sa pag-atake iyang bana.Β
Sa karon si Cherry Mae nakakostudiya sa Valencia City Police Station alang sa Safe Keeping ug naghulat nga adunay mopasaka ug kaso kaniya sa side sa pamilya sa iyang bana ug psoibleng mag-atubang sa kasong homicide.
via: Valencia City PNP
