Miarangkada na ug gipatuman na sa administrasyon ang saad nga himoong mas barato pa ang bugas, mapagaan ang mga palas-anon sa mga pamilyang Pilipino, ug suportahan ang panginabuhian sa mga mag-uuma.
Kini human nga opisyal nga gilusad ni Presidente Ferdinand Bongbong Marcos Jr., ang P20 matag kilo nga bugas sa Bien Unido, Bohol, Setyembre 5, 2025.
Miduyog ang pangulo ni Department of Agriculture (DA) Secretary Francisco Tiu Laurel Jr., diin human niini ila usab nga ipadayon ang pag-obserbar sa pagbaligya sa P20/kilo nga bugas ug pagbisita sa mga kadiwa booth nga gibutang sa maong lugar.
Sa pikas bahin, gipahibalo sa DA ang mga plano nga palapdan ang pagkab-ot sa programa pinaagi sa pag apod-apod sa P20 matag kilo nga bugas sa mga jeepney ug traysikol drayber sugod sunod bulan.
Kabahin ang maong lakang sa flagship food program sa administrasyon nga Benteng Bigas Meron Na kon BBM.
Ang rollout gikatakdang magsugod sa Setyembre 16 sa lima ka pilot areas.
Photo courtesy to:DA Central Visayas
