Nag-inusarang nakadawat og award ang usa ka lugar sa Pilipinas ang Island Garden City of Samal sa 6th ASEAN Environmentally Sustainable Cities (ESC).
Gipahigayon ang awarding ceremony sa Park Royal Hotel, Langkawi, Malaysia ug ang pag-ila, personal nga gidawat ni City mayor Lemuel T. Reyes alang sa katawhang Samaleño.
Naghatag og pasidungog ang ASEAN ESC award ug COR sa mga syudad sa tibuok ASEAN Member States alang sa ilang pasalig sa pagpatunhay sa kinaiyahan, base sa mga mahinungdanon indicators sama sa limpyo nga hangin, limpyo nga tubig, limpyo nga yuta, urban biodiversity ug green space, ug circular economy.
Nagpamatuod ang maong milestone sa lig-on nga dedikasyon sa Samal sa pagpanalipod sa kalikupan ug pagpalambo sa kalidad sa kinabuhi alang sa mga tawo niini diin usa ka kalampusan nga nagdasig sa ubang mga siyudad sa pagsunod.
