Gikatakdang mobisita sa Cambodia si Presidente Ferdinand Marcos Jr. ug First Lady Louise Araneta Marcos gikan sa Septiyembre 7 hangtod 9. Matod sa Department of Foreign Affairs (DFA), ang maong state visit tungod usab sa pagbisita ni His Majesty Preah Bat Samdech Preah Boromneath Norodom Sihamoni, ang hari sa Cambodia.
Abi-abihon matud pa sila ni Acting Head of State ug Senate President Samdech Akka Moha Sena Padei Techo Hun Sen ug sa iyang asawa nga si Samdech Kittiprittbindit Bun Rany Hun Sen. Tumong sa pagbisita ni PBBM gumikan sa ipahigayong bilateral nga miting uban sa Cambodian Prime Minister Samdech Kittiprittbindit Bun Rany Hun Sen.
Gilauman nga hisgutan nila ang mga nag-unang sektor sama sa agrikultura, antas sa edukasyon, turismo, ug kooperasyon sa kultura tali sa duha nga mga nasud. Kung diin dunay mga roundtable meeting uban sa mga lider sa negosyo gikan sa Cambodia ug Pilipinas.
Kini mahitabo sa presensya sa Filipino community sa Cambodia, diin gibanabana nga 7,000 ka mga Filipino ang nagpuyo ug nagtrabaho. Dugang pa sa DFA nga ang pagbisita ni Marcos bugti sa imbitasyon ni Cambodian Prime Minister Samdech Moha Borvor Thipadei Hun Manet human sa pagbisita niini sa Pilipinas.
Photo courtesy to: President Bongbong Marcos
