Mipasaka og kaso ang Department of Education (DepEd) batok sa pito ka mga pribadong mga tulunghaan nga matud pa nanglista sa mga “ghost students” isip mga benepisyaryo sa voucher program sa gobyerno.
Matud ni Secretary Sonny Angara, miabot sa ₱61.9 milyon ang kinatibuk-an nga kantidad nga nalangkob sa gipasakang kaso sa piskalya, kalakip ang mga demand letter. Aduna pay kaso pa-imbestigahan sa legal department sa Department of Education (DEPED).
Niadtong bulan sa Pebrero, gitaho sa DEPED nga gi-imbestigahan ang 12 pribadong tulunghaan sa lain-laing lalawigan ug Metro Manila gumikan sa gikaingong ghost students sa Senior High School Voucher Program, nga naghatag ug ₱14,000 hangtud sa ₱22,500 matag estudyante.
Target sa DepEd nga mabawi ang hangtod ₱100 milyon,ug mapasakahan sa kasong kriminal ug sibil ang mga nalambigit niini.
Photo courtesy to:Pinterest Philippines
